Тілдер күнін мерекелеуге арналған «Ұлтын ұлықтаған – Алаштың ардағы!» атты іс-шара

     5 қыркүйек - ҚР Тілдері күні мерекесіне орай, 1-11сынып жетекшілерінің жетекшілігімен «Ұлтын ұлықтаған – Алаштың ардағы!», «Тіл – достықтың дәнекері», «Тілім менің, тірлігімнің айғағы» сынып сағаттары өткізілді.

     Тіл бірлестігі пән мұғалімдерінің үйлестіруімен «Үш тілді білу – заман талабы» атты әдеби-сазды композиция өткізілді. Тіл ұлттың мақтанышы, тірегі, жүрегі екендігіне кең түсінік бере отырып, білім алушыларды елжандылыққа, туған тілін құрметтеуге, тілді ұлттық мұра ретінде қастерлеу мақсатын алға қойып, қазақ тілі, орыс тілі, ағылшын тілі пәні мұғалімдері ұйымшылдықпен, жауапкершілікпен әдеби-кешті ұйымдастыра білді. Білім алушылар үш тілде өлеңдер, мақал-мәтелдер, көрініс, ән-билер орындап, кештің керемет көрінісін тарту етті.